三． 歡喜三端 耶穌誕生 Hoaⁿ-hí saⁿ-toan Ia-so͘ tàn-seng
預備心 親近主 Pī-pān-sim chhin-kīn Chú
聖母媽媽！請伴我親近主(上) Sèng-bó ma-ma, chhiáⁿ phōaⁿ góa chhin-kīn Chú (Siōng)
唱詩 Chhiò Sèng-si
Sèng-si Tē 80B (50) siú Sió-sió ê siâⁿ-chhī Pek-lī-hêng
1.小小的城市伯利恒，實在至極安靜，
Sió-sió ê siâⁿ-chhī Pek-lī-hêng, si̍t-chāi kàu-ke̍k an-chēng,
平安好睡攏無眠夢，星辰緩仔振動，
Pêng-an hó-khùn lóng bô bîn-bāng, chhiⁿ-sîn khoaⁿ-á tín-tāng,
在彼街路雖然暗，真光遍照各站，
Tī hia ke-lō͘ sui-jiân àm, chin-kng phiàn-chiò tak-chām,
昔時驚惶變成希望，主出世今穩當。
Chá-sî kiaⁿ-hiâⁿ pìⁿ-chiâⁿ hi-bāng, Chú chhut-sì taⁿ ún-tàng.
2.馬利亞生救主基督，天軍一齊快樂，
Má-lī-a seⁿ Kiù-chú Ki-tok, thian-kun chi̍t-chê khoài-lo̍k,
眾人攏在好睡的時，天使歡喜守更，
Chèng-lâng lóng leh hó-khùn ê sî, thiⁿ-sài hoaⁿ-hí chiú-kiⁿ,
啓明星也在慶賀，聖誕消息傳報，
Khé-bêng-chheⁿ iā leh khèng-hō, sèng-tàn siau-sit thoân-pò,
吟詩讚美至尊上帝，和平普遍天下。
Gîm-si o-ló chì-chun Siōng-tè, hô-pêng phó͘-phiàn thiⁿ-ē.
3.何等莊嚴何等安靜，耳孔未聽真明，
Hô-téng chong-giâm hô-téng an-chēng, hīⁿ-khang bōe thiaⁿ chin-bêng,
仁愛的主奇妙恩惠，賞賜咱眾人類，
Jîn-ài ê Chú kî-biāu un-hūi, siúⁿ-sù lán chèng jîn-lūi,
世界罪惡滿四處，救主降生贖罪，
Sè-kài chōe-ok boán sì-kòe, Kiù-chú kàng-seⁿ sio̍k-chōe,
凡若謙卑接納基督，就能得着大福。
Kìⁿ-nā khiam-pi chiap-la̍p Ki-tok, chiu-ē tit-tio̍h tōa-hok.
4.在伯利恒聖子耶穌，求祢俯落看顧，
Tī Pek-lī-hêng Sèng-kiáⁿ Ia-so͘, kiû Lí àⁿ-lo̍h khòaⁿ-kò͘,
除去我罪來入我心，使我承受福音，
Tû-khì góa chōe lâi li̍p góa sim, hō͘ góa sêng-siū hok-im,
聽天軍報好消息，萬民攏總可得，
Thiaⁿ thian-kun pò hó-siau-sit,bān-bîn lóng-chóng thang-tit,
求祢時常與阮居起，聖主以馬內利。 阿們
Kiû Lí sî-siông kap goán khiā-khí, Sèng-chú Í-má-lōe-lī. A-mén.
聖母經(三次)
一．他們在那裡的時候，瑪利亞分娩的日期滿了，便生了她的頭胎男兒，用襁褓裹起，（路2:6-7）聖母經
In tī hia ê sî seng-sán ê kî kàu. Chiū siⁿ thâu-chiūⁿ kiáⁿ, ēng pò͘ pau I,(Lō͘ 2:6-7) Sèng-bó-keng
二．放在馬槽裡，因為在客棧中為他們沒有地方。（路2:7）聖母經
hō͘ I khùn tī chô-ni̍h; in-ūi kheh-koán bô só͘-chāi thang iông-ún in. (Lō͘ 2:7) Sèng-bó-keng
三．在那地區有些牧人露宿，守夜看守羊群。有上主的一個天使站在他們身邊，上主的光耀環照着他們，（路2:8-9）聖母經
Hit tōe-hng ū kò͘-iûⁿ ê tòa tī soaⁿ-ni̍h, mî-sî chiú-kiⁿ kò͘ in ê iûⁿ-kûn. Chú ê thiⁿ-sài khiā tī in ê sin-piⁿ, Chú ê êng-kng ûi-lûi chiò in; kò͘-iûⁿ ê tōa kiaⁿ. (Lō͘ 2:8-9) Sèng-bó-keng
四．天使向他們說：「不要害怕！看！我給你們報告一個為全民族的大喜訊：（路2:10）聖母經
Thiⁿ-sài kā in kóng, Bo̍h-tit kiaⁿ; in-ūi góa pò lín tōa hoaⁿ-hí ê hó siau-sit, hō͘ peh-sìⁿ lóng ū hūn; (Lō͘ 2:10 ) Sèng-bó-keng
五．今天在達味城中，為你們誕生了一位救世者，他是主默西亞。 這是給你們的記號：你們將要看見一個嬰兒，裹着襁褓，躺在馬槽裏。」（路2:11-12）聖母經
in-ūi kin-á-ji̍t tī Tāi-pi̍t ê siâⁿ í-keng ūi-tio̍h lín siⁿ chi̍t ê Chín-kiù-ê, chiū-sī Chú Ki-tok. Lín beh khòaⁿ-kìⁿ chi̍t ê eⁿ-á ēng pò͘ pau, khùn tī chô-ni̍h ê, chit-ê chiū-sī hō͘ lín chòe kì-hō. (Lō͘ 2:11-12 ) Sèng-bó-keng
六．忽有一大隊天軍，同那天使一起讚頌天主說：「天主受享光榮於高天，主愛的人在世享平安！」（路2:13-14）聖母經
Hut-jiân ū chōe-chōe thian-peng kap hit ê thiⁿ-sài saⁿ-kap tī-teh, o-ló Siōng-tè, kóng, Tī ke̍k koâiⁿ ê ūi êng-kng kui tī Siōng-tè, Tōe-chiūⁿ hô-pêng tī I só͘ hoaⁿ-hí ê lâng ê tiong-kan. (Lō͘ 2:13-14) Sèng-bó-keng
七．他們急忙去了，找到了瑪利亞和若瑟，並那躺在馬槽中的嬰兒。他們看見以後，就把天使對他們論這小孩所說的事，傳揚開了，（路2:16-17）聖母經
Chiū kín-kín khì, chhē-tio̍h Má-lī-a kap Iok-sek, koh khòaⁿ-kìⁿ eⁿ-á khùn tī chô-ni̍h. Khòaⁿ-liáu, chiū chiong thiⁿ-sài só͘ tùi in kóng chit ê eⁿ-á ê sū pò lâng chai. (Lō͘ 2:16-17) Sèng-bó-keng
八．看，有賢士從東方來到耶路撒冷，（瑪2:1）他們一見到那星，極其高興歡喜。他們走進屋內，看見嬰兒和他的母親瑪利亞，（瑪2:10-11）
ū kúi-nā ê phok-sū tùi tang-hng lâi kàu Iâ-lō͘-sat-léng,( Má 2:1) In khòaⁿ-kìⁿ hit ê chhiⁿ, hoaⁿ-hí kàu bōe kò͘-tit. Ji̍p chhù, khòaⁿ-kìⁿ eⁿ-á kap I ê lāu-bú Má-lī-a; ,( Má 2:10-11) Sèng-bó-keng
九．遂俯伏朝拜了他，打開自己的寶匣，給他奉獻了禮物，即黃金、乳香和沒藥。（瑪2:11）
chiū phak-lo̍h pài eⁿ-á; khui in ê pó-a̍h, hiàn lé-mi̍h hō͘ I, chiū-sī n̂g-kim, jú-hiuⁿ, bu̍t-io̍h. ,( Má 2:11) Sèng-bó-keng
十．瑪利亞卻把這一切事默存在自己心中，反覆思想。（路2:19）聖母經
Má-lī-a chiong chiah-ê ōe kì tiâu-tiâu, sim-lāi siông-siông teh siūⁿ. (Lō͘ 2:19) Sèng-bó-keng
苦路第三處 首次跌倒
他所背負的，是我們的疾苦；擔負的，是我們的疼痛；我們還以為他受了懲罰，為天主所擊傷，和受貶抑的人。可是他被刺透，是因了我們的悖逆；他被打傷，是因了我們的罪惡，因他受了懲罰，我們便得了安全；因他受了創傷，我們便得了痊癒。(依 53:4-5)
Sèng-keng
I si̍t-chāi tam-tng lán ê iu-būn, pē lán ê khó͘-thàng; chóng-sī lán lia̍h-chòe i siū chek-hoa̍t, hō͘ Siōng-tè phah, koh siū khó͘-chhó͘. Nā-sī i ūi-tio̍h lán ê kè-sit siū siong, ūi-tio̍h lán ê chōe-kòa siū-hāi; i tam-tng hêng-hoa̍t, lán tit-tio̍h pêng-an; i siū piⁿ-phah, lán tit-tio̍h i-hó. ( Í 53:4-5 )
耶穌 我因你的貧乏、罪惡而跌倒，我仁慈的扶助你、護衛你，就如同聖母懷抱並保護了襁褓中的我，我也哺育了你、懷抱了你、保護了你。讓我的醫治之愛進入你生命中，進入你在母胎成形的一刻，以及你的幼兒時期。
Ia-so͘ Góa in-ūi lí ê sàn-chhiah, chōe-ok poa̍h-tó, Góa chin jîn-chû lâi hû-chhî lí, pó-hō͘ lí, chiū chhin-chhiō͘ⁿ Sèng-bó phō Góa kap pó-hō͘ iau chin sè-hàn ê Góa, Góa iā ēng ni chhī lí, phō tī heng-chêng lâi sioh lí. Koh hō͘ Góa i-tī ê thiàⁿ chin-ji̍p lí ê sèⁿ-miā, chin-ji̍p lí tī bó-thai bōe chiâⁿ-hêng ê hit sî-khek, í-kip lí ê iù-nî sì-ki.
禱詞
主耶穌！祢因我的貧乏、罪惡而跌倒，祢仁慈的扶助我、護衛我，就如同聖母懷抱並保護了襁褓中的祢，祢也哺育了我、懷抱了我、保護了我。讓祢的醫治之愛進入我生命中，進入我在母胎成形的一刻，以及我的幼兒時期。
Kî-tó
Chú Ia-so͘ ! Lí in-ui góa ê sàn-chhiah, chōe-ok poa̍h-tó, Lí chin jîn-chû lâi hû-chhî góa, pó-hō͘ góa, chiū ná-chhiō͘ⁿ Sèng-bó phō LÍ kap pó-hō͘ iau chin sè-hàn ê LÍ, LÍ iā ēng ni chhī góa, phō tī LÍ heng-chêng lâi sioh góa. Koh hō͘ LÍ i-tī ê thiàⁿ chin-ji̍p góa ê sèⁿ-miā, chin-ji̍p góa tī bó-thai iau bōe chiâⁿ-hêng ê hit sî-khek, í-kip góa ê iù-nî sì-ki. Góa kám-siā LÍ, O-ló LÍ !
回應詩 聖詩第256 (584) 首 至聖救主罪人朋友
Hôe-èng si Sèng-si Tē 256 (584 )siú Chì-sèng Kiù-chú chōe-jîn pêng-iú
1.至聖救主，罪人朋友，軟弱的人是祢所救；
Chì-sèng Kiù-chú chōe-jîn pêng-iú, loan-jio̍k ê lâng sī LÍ só͘ kiù,
盡一世人牽我的手，助我來倚靠祢。
Chīn chi̍t-sì-lâng khan góa ê chhiú, chān góa lâi óa-khò LÍ.
2.及主交陪永有福氣，失落家業也免掛意；
Kap Chú kau-pôe éng-ū hok-khì, sit-lo̍h ke-gia̍p iā bián kòa-lū,
結連相通若樹及枝，猶原是倚靠祢。
Kiat-liân siong-thong nā chhiū kap ki, iû-goân sī óa-khò LÍ.
3.一生拖磨、厭倦、憂悶，救主逐位互我親近；
It-seng thoa-bôa ià-siān iu-būn, Kiù-chú ta̍k-ūi hō͘ góa chin-kīn,
受祢照顧心肝安穩，攏是對倚靠祢。
Siū LÍ chiàu-kò͘ sim-koaⁿ an-ún, lóng-sī tùi óa-khò Lí.
4.有時憂悶受祢教督，攑目無親，也無快樂；
Ū-sî iu-būn siū LÍ kàu-tok, kia̍h-ba̍k bô-chhin, iā-bô khoài-lo̍k,
甘願忍受，歡喜降服，決意欲倚靠祢。
Kam-goān lím-siū, hoaⁿ-hí hang-ho̍k, koat-ì beh óa-khò LÍ.
5.豈採行到凄凊路途，光景bōe好，莿仔滿埔；
Kiám-chhái kiâⁿ-kàu chhi-chheng lō͘-tô͘, kong-kéng bô-hó, chhì-á bóaⁿ-po͘,
得著救主安慰照顧，因為我倚靠祢。
Tit-tio̍h Kiù-chú an-ùi chiàu-kò͘, in-ūi góa óa-khò Lí.
6.我若向望天堂福氣，及主交通攏免失志；
Góa nā ǹg-bāng thian-tông hok-khì, kap Chú kau-thong lóng bián sit-chì,
吞愞聽候，攏無僥疑，專心欲倚靠祢。
Thun-lún thèng-hāu lóng-bô giâu-gî, choan-sim beh óa-khò LÍ.
沒有留言:
張貼留言